ભીંતો સુધીનું ગામ ને દ્વારો થયા પાદર,
દુનિયા ફરૂ છું હાથમાં અખબાર રાખીને.
- કિર્તીકાન્ત પુરોહીત

ખાલીપણુ અખબાર છે ગઇકાલનું,
"પાગલ" કશું પણ વાંચવા જેવું નથી.
- અલ્પેશ "પાગલ"

"પાગલ" તને તાજી ખબર કેવી રીતે મળશે ભલા,
અખબાર સામે છે હજી ગઇકાલનું બદલાવ દોસ્ત.
- અલ્પેશ "પાગલ"

વિસર્જન થઇ જશે અસ્તિત્વથી પસ્તિત્વમાં મારું,
મને ના વાંચ હું ગઇકાલના અખબાર જેવો છું.
- ભગવતી કુમાર શર્મા

અખબારમાં છપાઈ છે એના મરણની નોંધ,
ફિક્કુ કરીને સ્મિત એ વાંચે છે એકલો.
- ભગવતી કુમાર શર્મા